ALDAPA Unibertsitateko Masterren Irakaskuntzan

ALDAPA taldeko kideak Euskal Herriko Unibertsitateko zenbait masterren irakaskuntzako partaide dira.

Sistema Txertatuen Ingeniaritza Unibertsitate Masterra

Sistema Txertatuen Ingeniaritza Unibertsitate Masterra

Master profesional honek industrian gero eta gehiago behar diren Sistema Txertatuen Ingeniaritza arloko profesional espezializatuak sortzea du helburu: izan ere, egungo titulazio bakar batek ere ez du behar hori modu integratuan betetzen. Sistema txertatu bat (ingelesez embedded system) modulu bakar bat osatzen duten hardware eta software osagaiak erabiliz diseinatutako sistema elektronikoa da, berariazko aplikazio batean erabiltzekoa. Gaur egun arlo askotan erabiltzen dira, hala nola informazio-teknologia berrietan, komunikazio mugikorretan edo berariazko kontrol-sistemetan (etxeetan, ibilgailuetan, hegazkinetan).

Konputazio Ingeniaritza eta Sistema Adimentsuak Unibertsitate Masterra

Konputazio Ingeniaritza eta Sistema Adimentsuak Unibertsitate Masterra

Masterraren tituluak zientzia eta informazio teknologikoko zenbait ikerketa lerroetan jotzen du, gehienbat EAEko Unibertsitate eta Ikerketa sailordetzak onartzen dien bikaintasun maila duten ikerketa talde en lan lerroetan, horiek baitira masterrari eusten diotenak, batez ere. Gainera, beste zenbait erakundetako (unibertsitatekoak izan ala ez) irakaslek hartzen dute parte, eta zenbait hitzarmen eginak dauzka unibertsitatetik kanpoko erakunderekin (Tecnalia, Ikerbasque, BCAM, Vicomtech, ...).

Aipatutako espezializazioak, Europako Batzordearen European Computing Education and Training-eko informatika-sareak gomendatzen duen lanbide estandar hauei erantzuten dio gai multzo hauen arabera:

  • Informatikarako Matematika garatuak (konputazio zientifikoa, kriptografia, etc)
  • Sistema adimendunak (adimen artifiziala, data meatzaritza, 'big data', kontrol adimenduna)
  • Bistaratzea eta Multimedia sistemak (konputazio grafikoa, eredutzea, animazioa, bistaratzea, errealitate birtuala, irudien sintesia)
  • Industriarako informatika (automatika, robotika, ikusmen artifiziala, simulazioa)
  • Aplikazio eremuak (bioinformatika, informatica medikoa, finantza merkatuak, garraioa etc)

Hizkuntzaren eta Komunikazioaren Teknologiak Erasmus Mundus Masterra (LCT)

Hizkuntzaren eta Komunikazioaren Teknologiak Erasmus Mundus Masterra (LCT)

Hizkuntzaren eta Komunikazioren Teknologiak Erasmus Mundus Masterra (LTC) diseinatuta dago industriak eta ikerketak hazkunde azkarreko arlo batean dituzten beharrak asetzeko. Ikerketa eta berrikuntzan aitzindari izango diren hurrengo belaunaldientzako hezkuntza- eta trebakuntza-aukerak eskaintzen ditu. Hizkuntza- eta komunikazio-teknologien metodoekin lotutako diziplinen ezagutza eta ulermen sakona ematen die ikasleei, eta metodo zientifikoen arabera lan egiteko gaitasuna indartzen du.

Master honen helburu nagusia da hizkuntza aztertzea eta hizkuntza ordenagailu bidez prozesatzeko dauden teknikak eta aplikazioak ezagutzea, bai hizkuntza-teknologien alorreko ikerketarako bai arlo profesionalerako. Gainera, ikasleek ikuspegi praktikoko ezagutzak lortzen dituzte, enbor-moduluak, espezializatuak eta aukera askekoak konbinatuz, eta, hala, espezializazio-bide hauetako bati jarraituko diote gutxienez: hizkuntza-baliabide digitalak (DLR, Digital Language Resources), hizkuntza naturalaren algoritmoak eta aplikazioak (NLA, Natural Language Algorithms and Applications) eta hizkuntza-datuen zientzia (LDS, Language Data Science).

Master honek zuzeneko sarbidea ematen du zenbait doktoretza-programatan sartzeko, hala nola UPV/EHUko Hizkuntzaren Azterketa eta Prozesamenduan.